TDP: ‘నిన్నటి దాకా చంద్రబాబు కాళ్ళు.. రేపట్నుంచి విజయసాయిరెడ్డి కాళ్లు’

News
టీడీపీలో కుమ్ములాటలు మొదలయ్యాయి.. ఇద్దరు నేతల మధ్య ట్వీట్ ముదిరింది. టీడీపీకి స్వపక్షంలో విపక్షంలో మారిన కేశినేని.. మళ్లీ సొంత పార్టీ నేతల్ని టార్గెట్ చేశారు. నాని, ఎమ్మెల్సీ బుద్దా వెంకన్నలు ఒకరిపై మరొకరు విమర్శలు చేసుకుంటూ పొలిటికల్ హీట్ పెంచారు. ఆదివారం ఉదయం ఎంపీ నాని చేసిన ట్వీట్, ఫేస్‌బుక్ పోస్ట్‌తో ఈ రగడ మొదలయ్యింది. నాలుగు ఓట్లు సంపాదించలేనివాడు.. నాలుగు పదవులు సంపాదిస్తున్నాడు. నాలుగు పదాలు చదవలేనివాడు.. నాలుగు వాక్యాలు రాయలేనివాడు ట్వీట్ చేస్తున్నాడు.. దౌర్భాగ్యం! అంటూ’కేశినేని ఓ సంచలన పోస్ట్ పెట్టారు. ఈ పోస్ట్‌పై పెద్ద దుమారమే రేగింది. నాని ఎవరిని టార్గెట్ చేశారో అర్ధంకాక అందరూ షాక్ తిన్నారు.

నాలుగు ఓట్లు సంపాదించలేనివాడు
నాలుగు పదవులు సంపాదిస్తున్నాడు.
నాలుగు పదాలు చదవలేనివాడు
నాలుగు వాక్యాలు రాయలేనివాడు
Tweet చేస్తున్నాడు.
దౌర్భాగ్యం!

నాని చేసిన ట్వీట్‌కు బుద్దా వెంకన్న కౌంటర్ ఇవ్వడంతో క్లారిటీ వచ్చేసింది. వెంకన్న ‘సంక్షోభం సమయంలో పార్టీ కొసం నాయకుడి కొసం పొరాడేవాడు కావాలి….ఇతర పార్టీ నాయకులతొ కలిసి కూల్చేవాడు ప్రమాదకరం….నీ లాగా అవకాశవాదులం కాదు.. చనిపొయేవరకు చంద్రబాబు కోసం సైనికుడిలా పొరాడేవాడు కావాలి’ అంటూ కౌంటరిచ్చారు.

సంక్షోభం సమయంలో పార్టీ కొసం నాయకుడి కొసం పొరాడెవాడు కావాలి….ఇతర పార్టీ నాయకులతొ కలిసి కూల్చెవాడు ప్రమాదకరం….నీ లాగా అవకాసవాదులు కాదు…చనిపొయెవరకు చంద్రబాబు కొసం సైనికుడిలా పొరాడేవాడు కావాలి

నాని కూడా వెంకన్నకు మళ్లీ రివర్స్‌లో ట్వీట్ ఎటాక్ చేశారు. ‘నిన్నటి దాకా చంద్రబాబు కాళ్ళు.. రేపటి నుండి విజయసాయిరెడ్డి కాళ్ళు.. కాళ్ళు కాళ్లే.. వ్యక్తులు మాత్రమే తేడా!’అంటూ మరో ట్వీట్, పోస్ట్ వదిలారు.

నిన్నటి దాకా చంద్రబాబు కాళ్ళు
రేపటి నుండి విజయసాయిరెడ్డి కాళ్ళు
కాళ్ళు కాళ్లే
వ్యక్తులు మాత్రమే తేడా!!!

వెంకన్న కూడా మళ్లీ ఘాటుగా రిప్లై ఇచ్చారు. ‘చిరంజీవి నీకు రాజకీయ జన్మనిస్తే చిరంజీవిని అనరాని మాటలని చిరంజీవి పార్టీని కూల్చావు..చంద్రబాబు నీకు రాజకీయ పునర్జన్మ ఇస్తే ఇవాళ చంద్రబాబు గురించి శల్యుడులా మాట్లాడుతున్నావు. విజయసాయి రెడ్డి మీద నేను పోరాడుతున్నానో నువ్వు పోరాడుతున్నావో ప్రజలకు తెలుసు. నీకు ఏం చేయాలో తెలియక అబద్ధాలు ఆడుతున్నావు..ప్రజారాజ్యం నుంచి బయటకి వచ్చే ముందు ఆడిన ఆటలు ఈ పార్టీలో సాగవు’అన్నారు.

చిరంజీవి నీకు రాజకీయ జన్మనిస్తే చిరంజీవిని అనరాని మాటలని చిరంజీవి పార్టీని కూల్చావు..చంద్రబాబు నీకు రాజకీయ పునర్జన్మ ఇస్తే ఇవాళ చంద్రబాబు గురించి శల్యుడులా మాట్లాడుతున్నావు

విజయసాయి రెడ్డి మీద నేను పోరాడుతున్నానో నువ్వు పోరాడుతున్నావో ప్రజలకు తెలుసు

టీడీపీలో ఈ ఇద్దరు నేతల మధ్య ట్వీట్ వార్ ముదురుతోంది. గతంలో ఈ ఇద్దరు నేతలు పార్టీ కోసం కలిసి పనిచేశారు.. సన్నిహిత సంబంధాలు ఉన్నాయి. వెంకన్న కూడా నాని వెంట ఉండేవారు.. తర్వాత బుద్దా చంద్రబాబుకి దగ్గరయ్యారు. ఆయనకు నాలుగు పదవులు దక్కాయట. అప్పటి నుంచి నాని, ఎమ్మెల్సీ మధ్య విభేదాలు మొదలయ్యాయని బెజవాడ టాక్. నాని ఇలా సొంత పార్టీ నేతల్ని టార్గెట్ చేయడం హాట్‌టాపిక్‌గా మారింది. ఆయన బీజేపీలో చేరబోతున్నారనే ప్రచారం మొదలయ్యింది. మరి ట్వీట్ వార్‌కు అధినేత ఎలా బ్రేకులేస్తారో చూడాలి.

Leave a Reply

Your email address will not be published. Required fields are marked *